
那洛巴大师教言集NARO3ཕྱག་རྒྱ་ཆེན་པོའི་ཚིག་བསྡུས་པ།
1-1-12a

༄༅། །ཕྱག་རྒྱ་ཆེན་པོའི་ཚིག་བསྡུས་པ།
[༄། །མ་ཧཱ་མུ་དྲའི་ཚིག་བསྡུས་པ་དཔལ་ནཱ་རོ་པས་མཛད་པའོ། །སྙན་གྱི་ཤོག་རིལ་
འདི་ལ་དོན་གསུམ་སྟེ། ཀླད་དང་། གཞུང་དང་། འཇུག་(མཇུག་)གི་དོན་ནོ། །དང་པོ་ལ་གསུམ་སྟེ། མཚན་དང་། ཕྱག་དང་། བརྩམ་པར་དམ་བཅའ་བའི་དོན་རྣམས་ཀྱི་དང་པོ་ནི།] རྒྱ་གར་སྐད་དུ། མ་ཧཱ་མུ་དྲ་སན་ཙ་མི་ཐ། བོད་སྐད་དུ། [ཡུལ་དབུས་ཀྱི་མི་རྣམས་ཀྱི{ཀྱིས}། དངོས་འཛིན་གྱི་]ཕྱག་
རྒྱ་ཆེན་[ཡེ་ཤེས་ཀྱི་]པོའི་[རྒྱས་བཏབ་པ་]ཚིག་བསྡུས་པ། [གཉིས་པ་ཕྱག་ནི། ཟག་མེད་]བདེ་ཆེན་ངང་ལ་ཕྱག་བཙལ་ནས། [གསུམ་པ་དམ་བཅའ་བ་ནི། ཆོས་ཅན་ལ་ཆོས་ཉིད་ཀྱིས་]ཕྱག་རྒྱ་ཆེན་པོ[ས་རྒྱས་བཏབ་པའི་དོན་ཚིག་ཏུ་]བརྗོད་པར་བྱ། [འཁོར་འདས་ཀྱི་]ཆོས་རྣམས་ཐམས་ཅད་རང་
1-1-12b

གི་སེམས་[ལས་གཞན་དུ་མ་གྲུབ་ཅིང་།] །ཕྱི་རོལ་[གྱི་སེམས་ལ་གཞན་དུ་]དོན་མཐོང་[བ་ནི་]འཁྲུལ་པའི་བློ་[ཡིན་ཏེ། དཔེར་ན་]རྨི་ལམ་[གྱི་སྣང་བ་]བཞིན་ཏེ་ངོ་བོས་[སེམས་ལས་གཞན་གྱི་(གྱིས་)]སྟོང་[ངོ་། །]སེམས་ཀྱང་དྲན་རིག་འགྱུ་བ་ཙམ་[མ་རྟོགས་པར། དྲན་རིག་འགྱུ་བ་དེ་ཡང་བདེན་པའི་]
རང་བཞིན་[དུ་གྲུབ་པ་]མེད་དེ་རླུང་གི་རྩལ་[ཡིན་ཏེ། སེམས་རང་གི་]ངོ་བོས་སྟོང་པ་[དཔེར་ན་]ནམ་མཁའ་བཞིན་[ནོ། །དེ་ལྟར་ཕྱི་ནང་གི་]ཆོས་ཀུན་[ནམ་]མཁའ་[དང་]འདྲ་[ཞིང་རང་བཞིན་མེད་པ་]མཉམ་[པར་]གནས་[པ་དེ་]ལ། [ལོན་བཏབ་པ་མིང་ཕྱི་ནང་གི་ཆོས་ཐམས་ཅད་རང་གཞན་མེད་
པའི་]ཕྱག་རྒྱ་ཆེ[ན་པོ་]ཞེས་བརྗོད་པ་ཡིན་[ནོ། །ཕྱག་རྒྱ་ཆེན་པོ་]རང་གི་ངོ་བོ་[ལ་]བསྟན་དུ་མེད་[དོ། །སེམས་ཀྱི་རྒྱུ་མཚན་]དེའི་ཕྱིར་སེམས་ཀྱི་[གནས་ལུགས་]དེ་བཞིན་[མེད་པ་]ཉིད་[དོ། །]ཕྱག་རྒྱ་ཆེན་པོའི་ངང་ཉིད་ལས། [གང་དུ་ཡང་མ་གཡོས་པ་]དེ་ལས་[གཞན་དུ་]བཅོས་
ཤིང་བསྒྱུར་དུ་མེད་[པ་ཡིན་ནོ། །གང་ཟག་]གང་གིས་[སྔར་རྟེན་པའི་ཚུལ་]དེ་ཉིད་[ཕྱག་རྒྱ་ཆེན་པོར་]མཐོང་[ཞིང་]རྟོགས་ན། [འཁོར་འདས་]སྣང་སྲིད་[ཀྱི་ཆོས་]ཐམས་ཅད་ཕྱག་རྒྱ་ཆེ[ན་པོའམ།] ཆོས་སྐུ་བརྡལ་ཁྱབ་ཆེན་པོ[ར་མཐོང་བའམ་རྟོགས་]པས་[སོ། །]རང་
བཞིན་[གནས་ལུགས་དེ་རྣམ་རྟོག་གིས་]མ་བཅོས་[པར་]རྣལ་མར་བཞག་[པར་བྱའོ། །དེ་ལྟར་]བསམ་དུ་མེད་པ[འི་དོན་ཆེན་]ཆོས་ཀྱི་སྐུ་[ཡིན་ལ། འབྲས་བུ་ཆོས་སྐུ་དེ་ལས་གཞན་དུ་]མ་སྩལ་[བ་དེ་ཡེ་ནས་སངས་རྒྱས་ཡིན་པ་ལ་ཅིར་ཡང་སྣང་བ་]བཞག་ན་སྒོམ་པ་[ཡིན་ཏེ་]སྟེ། [དེ་ལས་གཞན་དུ་]སྩལ་
ཞིང་སྒོམ་པ་[གནས་ལུགས་]འཁྲུལ་པའི་བློ་[ཡིན་ནོ། །དཔེར་ན་ནམ་]མཁའ་དང་[སྤྲིན་ལ་སོགས་པའི་]ཆོ་འཕྲུལ་ཇི་ལྟ་བ་[བཞིན་ནོ། །དེ་ལས་ཀྱི་རང་བཞིན་ཅིར་ཡང་འཆར་རོ།] །སྒོམ་[ཡང་དག་པའི་སྒོམ་པ་]དང་མི་སྒོམ་གཉིས་མེད་པར། [རྟོགས་པ་དེ་ལ་ཉེས་སྐྱོན་དང་]བྲལ་དང་
1-1-13a

[མ་སྒོམས་པས་]མ་བྲལ་ག་ལ་ཡོད། [ཆོས་ཐམས་ཅད་རང་བཞིན་མེད་པ་]དེ་ལྟར་རྟོགས་པའི་རྣལ་འབྱོར་[པ་དེ་]ལ། །དགེ་[བ་]དང་སྡིག་པའི་ལས་{ཥ་}ཀུན་[གྱི།] དེ་[ཁོ་ན་]ཉིད་ཤེས་པས་[ལ་]གྲོལ་བར་འགྱུར། [འདོད་ཆགས་ལ་
སོགས་]ཉོན་མོངས་ཡེ་ཤེས་ཆེན་པོ་སྟེ། [པ་རང་བཞིན་མེད་པར་རྟོགས་པས་དེ་བས་ན་]ནགས་ལ་མེ་བཞིན་རྣལ་འབྱོར་[པའི་]གྲོགས་[ཡིན་ནོ། །དེ་ཁོ་ན་ཉིད་རྟོགས་པ་དེ་ལ་]འགྲོ་དུང་(དང་)འདུག་པ་ག་ལ་ཡོད་[ཅིང་།] དགོན་པར་ཕྱིན་ནས་བསམ་གཏན་ཅི་[ཞིག་སྒོམ་དུ་ཡོད་དེ།
མེད་དོ། །དེ་[ཁོ་ན་]ཉིད་[ཀྱི་དོན་]མ་རྟོགས་[ན་དགེ་བ་གཞན་]གང་གིས་ཀྱང་། གནས་སྐབས་[ལྷ་མིའི་བདེ་འབྲས་]ཙམ་ལས་[འཁོར་བའི་སྡུག་བསྔལ་ལས་]གྲོལ་[བྱང་ཆུབ་ཐོབ་]མི་འགྱུར་[རོ། །ཆོས་ཐམས་ཅད་ཀྱི་]དེ་ཉིད་རྟོགས་ན་[ལས་གང་དང་ཉོན་མོངས་པ་]གིས་[འཁོར་བར་]འཆིང་།
[མ་བཅོས་སྡུག་{གཉུག་}མའི་]ངང་ལས་མ་ཡེངས་[པར་]གནས་པ་[ཙམ་]ལ། ལུས་ངག་[ཡིད་ཀྱིས་]བཅོས་ཤིང་སྒོམ་དུ་མེད་[ལ། འདི་ནི་]མཉམ་པར་བཞག་དང་[འདི་ནི་མཉམ་པར་]མ་བཞག་[པའོ་]ཅེས། [དེ་ཁོ་ན་ཉིད་ཕྱག་རྒྱ་ཆེན་པོའི་གནས་ལུགས་]འདི་ལ་གང་ཡང་མ་གྲུབ་
སྟེ། [སྣ་ཚོགས་ཀྱི་]སྣང་བ་[རང་བཞིན་མེད་པར་རྟོགས་པས་ཡུལ་]རང་གྲོལ་ཆོས་ཀྱི་དབྱིངས་[ཡིན་ནོ། །དྲན་པ་དང་]རྟོག་པ་[ཅི་འགྱུས་མེད་པར་ཤེས་པས་ཡུལ་ཅན་ཀྱང་རང་བཞིན་]རང་གྲོལ་ཡེ་ཤེས་ཆེ[ན་པོ་ཡིན་ཅིང་། རང་བཞིན་]གཉིས་མེད་[པར་ཡུལ་ཡུལ་ཅན་]མཉམ་པ་
ཆོས་ཀྱི་སྐུ་[ཡིན་ནོ། །དེ་ལྟར་རྟོགས་པ་དེ་ནི་]ཆུ་བོ་ཆེན་པོའི་རྒྱུན་[མ་ཆད་པར་]འབབ་[པ་]ལྟར། [སྤྱོད་ལམ་]གང་ལྟར་གནས་ཀྱང་དོན་དང་ལྡན་[ལ། དེ་ལྟར་རྟོགས་པའི་རྣལ་འབྱོར་པ་]འདི་ནི་རྟག་ཏུ་[ཡེ་ནས་]སངས་རྒྱས་[ཡིན་པ་ལ་]ཉིད། [ཡིན་པར་རྟོགས་
1-1-13b

པས་]འཁོར་བ་ཡུལ་མེད་[པ་དེ་རྩ་བ་ནས་རང་བཞིན་མེད་པར་]བདེ་[བ་]ཆེན་[པོར་ཤེས་པ་]ལ། [འཁོར་འདས་ཀྱི་]ཆོས་རྣམས་རང་རང་[གི་]ངོ་བོས་སྟོང་[པར་རིག་ཅིང་།] སྟོང་པར་འཛིན་[པའི་]བློ་[ཡང་རང་གིས་ངོ་བོས་སྟོང་པར་ཤེས་པས་]རང་སར་དག་[ལ།
གནས་ལུགས་]བློ་བྲལ་ཡིད་ལ་བྱར་མེད་པ[འི་ངང་གནས་པར་རྟོགས།] དེ་ནི་[དུས་གསུམ་གྱི་]སངས་རྒྱས་ཀུན་གྱི་ལམ་[ཆེན་པོ་ཡིན་ནོ། །གང་ཟག་]སྐལ་བ་[རབ་དེ་]མཆོག་ཏུ་གྱུར་པ་ལ། [ན་རོ་པ་]བདག་གིས་སྙིང་གཏམ་ཚིག་ཏུ་+བ་+བསྡུས།
[བའི་དགེ་བ་]འདི་ཡིས་འགྲོ་བ་མ་ལུས་པ། ཕྱག་རྒྱ་ཆེ[ན་པོའི་དོན་]ལ་གནས་པར་ཤོག །ཕྱག་རྒྱ་ཆེན་པོའི་ཚིག་བསྡུས་པ་ཞེས་བྱ་བ། རྒྱ་གར་གྱི་མཁས་པ་ཆེན་པོ་ན་རོ་པས་བོད་ཀྱི་མར་པ་ལོ་(ཙཱ་)ལ་གནང་བ་རྫོགས་
སོ། །མངྒལཾ།། །།རྔོག་སྟོན་ཨ་ཡུ་བྷོ་དྷེས་བྲིས་པའོ།། །།


目录
ཕྱག་རྒྱ་ཆེན་པོའི་ཚིག་བསྡུས་པ།